Last Modified: February 29 2012 14:28:25.
വൃശ്ചികരാത്രിയാം പുലിമേലേറി
വിശ്വങ്ങള്‍ കീഴടക്കും ധര്‍മ്മശാസ്താവേ
വില്ലെടുത്താലും കൈയ്യില്‍ അമ്പെടുത്താലും
വിധിമാറ്റും മഹിഷിയുടെ നിറമാറില്‍ മോക്ഷത്തിന്‍
ഹരിശ്രീയെഴുതാന്‍ പള്ളിവാളെടുത്താലും
(വൃശ്ചിക)

മാലയിട്ടു നോമ്പുനോറ്റു മലകയറുമ്പോള്‍
സ്വാമിയല്ലോ ഞങ്ങള്‍ക്ക് വഴിതെളിക്കുന്നു
ദാഹമകറ്റി... ജന്മമോഹമകറ്റി...
സ്നേഹമുദ്രയാര്‍ന്ന കൈയ്യാല്‍ താങ്ങിവിടുന്നു
ശരണമയ്യപ്പാ സ്വാമി ശരണമയ്യപ്പാ [2]
(വൃശ്ചിക)

കെട്ടിറക്കി കൈകള്‍‌കൂപ്പി നിന്നുരുകുമ്പോള്‍
ഇഷ്ടവരം നല്‍കിയെന്നെ പുല്‍കി നില്‍ക്കുന്നു
അച്ഛനെപ്പോലെ... സ്നേഹമമ്മയെപ്പോലെ...
സ്വച്ഛവരദ ചിന്മുദ്രയില്‍ ഞാനലിയുന്നു
ശരണമയ്യപ്പാ സ്വാമി ശരണമയ്യപ്പാ [2]
(വൃശ്ചിക)