Last Modified: February 29 2012 14:30:12.
കായാമ്പൂവര്‍ണ്ണന്റെ മുരളീരവത്തിന്റെ
പാലാഴിയുണര്‍ന്നൊരു ദ്വാരക
പുലരികള്‍തോറും യദുകുലദേവന്റെ
തിരുവുടല്‍ കണികണ്ട ദ്വാരക
ഗുരുപവനപുരം ദ്വാരക
(കായാമ്പൂ)

ദ്വാപരയുഗം കരിങ്കടലിലൊടുങ്ങുമ്പോള്‍
ദ്വാരകാനാഥന്റെ പൊന്‍‌മണിവിഗ്രഹം
കാലാബ്ധിസാഗരത്തിരകളില്‍ നിന്നും
ഗുരുവും വായുവും കണ്ടെടുത്തു
(കായാമ്പൂ)

കലിയുഗഭക്തര്‍ക്ക് തൊഴുതു പുണ്യം നേടാന്‍
കാലസ്ഥലാദ്വയ ശക്തിപീഠത്തില്‍
മലയാളസാഗര തീരദേശത്തില്‍
ഗുരുവായൂരില്‍ കുടിവെച്ചു
(കായാമ്പൂ)