Last Modified: April 06 2022 13:31:40.
വിളിച്ചു ഞാന്‍ വിളികേട്ടൂ തുടിച്ചു മാറിടം തുടിച്ചൂ
ഉണര്‍ന്നൂ ദാഹിച്ചുണര്‍ന്നൂ മറന്നൂ‍ ഞാനെന്നെ മറന്നൂ
(വിളിച്ചൂ...)

ഇതളിതളായ് വിരിഞ്ഞുവരും ഈ വികാരപുഷ്പങ്ങള്‍(2)
ചുണ്ടോടടുപ്പിച്ചു മുകരാന്‍ മധുപനി-
ന്നെന്തുകൊണ്ടീവഴി വന്നില്ലാ?
ഓ....വന്നെത്തിയില്ലാ‍?
(വിളിച്ചൂ...)

വിരല്‍തൊടുമ്പോള്‍ കുളിര്‍കോരും
ഈ വികാരതന്ത്രികളില്‍
ശൃംഗാരസംഗീതം പകരാന്‍ മധുപനി-
ന്നെന്തുകൊണ്ടീവഴി വന്നില്ലാ?
ഓ....വന്നെത്തിയില്ലാ?
(വിളിച്ചൂ...)