| വിശദവിവരങ്ങള്‍ | |
| വര്‍ഷം | 1998 |
| സംഗീതം | വിദ്യാസാഗര്‍ |
| ഗാനരചന | ഓ എന്‍ വി കുറുപ്പ് |
| ഗായകര്‍ | കെ ജെ യേശുദാസ് ,കെ എസ് ചിത്ര |
| രാഗം | ഹമീര്‍ കല്യാണി |
| അഭിനേതാക്കള്‍ | മമ്മൂട്ടി ,ഖുശ്ബൂ ,കൊച്ചിന്‍ ഹനീഫ |
| ഗാനത്തിന്റെ വരികള്‍ | |
|
Last Modified: February 29 2012 14:45:30.
ചമ്പക മലരൊളിപ്പൊന്‍ നൂലില്‍ നിനക്കായി ചന്ദന മണികള്‍ ഞാന്‍ കൊരുത്തു വച്ചു ഞാന്‍ ഒളിച്ചു വച്ചു (ചമ്പക ) താഴമ്പൂ മണക്കും നിന്‍ ആമാടപ്പെട്ടിയിലോ താപത്താല്‍ ഉരുകും നിന്‍ ഹൃദയത്തിലോ (താഴമ്പൂ) (ചമ്പക ) വാക്കില്‍ വന്നുദിക്കാത്തോരാത്മമോഹങ്ങളേതോ നോക്കില്‍ തുടിച്ചത്‌ നീ അറിഞ്ഞതില്ല വിധുരമീ വീണയില്‍ ഉതിരുമെന്‍ പ്രാണന്റെ പരിഭവ മൊഴികള്‍ നീ അണിഞ്ഞതില്ല അറിയാത്തോരാഴത്തിലെ പവിഴമുത്തുകളാരും തിരയുന്നീല ആരും തിരയുന്നീല (ചമ്പക ) പൂത്തുനില്‍ക്കുമീ നാട്ടുമാവിലൂഞ്ഞാലുകെട്ടി കാത്തിരുന്നാതിരയും കഴിഞ്ഞുപോയീ മിഴിയിലെ അഞ്ജനവും മിഴിനീരിലലിഞ്ഞുപോയി കരളിലെ കുയിലെങ്ങോ പറന്നു പോയീ മൊഴികള്‍ തന്‍ മണ്‍കുടത്തില്‍ നിറയാത്തോരമൃതാരും തിരയുന്നീല ആരും തിരയുന്നീല (ചമ്പക) |
|