Last Modified: February 29 2012 14:46:34.
 
പൂഞ്ചില്ലമേൽ ഊഞാലിടും പുലർകാലമേ സുഖമല്ലയോ
പൂപ്പാലയിൽ പാടാൻ വരും ഗന്ധർവനും സുഖമല്ലയോ
മലർച്ചിറകിൽ പറന്നുയരാം ആഘോഷമീ ഒഴിവുകാലം
(പൂഞ്ചില്ലമേൽ...)

നീലമല തൻ പാദസരമായ് മഞ്ഞുപുഴയിൽ നീന്തി നോക്കാം
തങ്കമുരുകും പോക്കുവെയിലായ് വർണ്ണമുകിലിൻ കോടി ചൂടാം
പീലിക്കാവടിയാടും കുളിർമേഘത്താഴ്വര താണ്ടാം
കാറ്റേ കോലക്കുഴലും കൊണ്ടു വാ (2)
മലർച്ചിറകിൽ പറന്നുയരാം ആഘോഷമീ ഒഴിവുകാലം
(പൂഞ്ചില്ലമേൽ...)

മിന്നി മറയും മിന്നലഴകായ് രാത്രിമഴ തൻ മുത്തു ചാർത്താം
കൂട്ടിലുണരും കാട്ടുകുയിലായ് രാവു പുലരേ പാട്ടു പടാം
ചെല്ലച്ചെപ്പിലടയ്ക്കാൻ ചെറുനക്ഷത്രങ്ങളടർത്താം
തങ്കത്തിങ്കൾ കിണ്ണം കൊണ്ടു വാ (2)
മലർച്ചിറകിൽ പറന്നുയരാം ആഘോഷമീ ഒഴിവുകാലം
(പൂഞ്ചില്ലമേൽ...)