Last Modified: February 29 2012 14:49:59.

കുഞ്ഞുറങ്ങും കൂട്ടിനുള്ളിൽ
കൂട്ടിനു മിന്നാമിന്നീ വാ
മഞ്ഞു വീഴും കാട്ടിനുള്ളിൽ
ഇത്തിരിച്ചൂട്ടും കൊണ്ടേ വാ
കുന്നിറങ്ങി കൂടെ വരും കുളിർ വെണ്ണിലാവേ
കുന്നിമണി ചെപ്പിൽ നീ കളഭം തായോ (കുഞ്ഞുറങ്ങും...)

ഇത്തിരിപ്പൂവേ വാ പൊട്ടു കുത്താൻ വാ വാ
ഇളനീർ കുളിരു കൊഞ്ചലായ് വാ (2)
കന്നിവെയിൽ പൂമൂടും ഉണ്ണി പൂങ്കിനാവായ് (2)
ചുണ്ടിലുണ്ടേ പുഞ്ചിരിപൂവുമായ് ഓ...(കുഞ്ഞുറങ്ങും...)

പച്ചിലപട്ടിലൊരു കൊച്ചു വാൽക്കണ്ണാടി
അതിൽ നീ വരുമോ നീ അമ്പിളിമാമാ (2)
കന്നിമണ്ണും കാഴ്ച വെയ്ക്കും അമ്മ മലർക്കനിയോ (2)
എൻ മനസ്സിൽ പെയ്ത നിലാവോ ഓ...(കുഞ്ഞുറങ്ങും...)