Last Modified: February 29 2012 14:36:37.

അക്കരപ്പച്ചയിലെ അഞ്ജന ചോലയിലെ
ആയിരം ഇതളുള്ള പൂവേ
ആർക്കു വേണ്ടി വിടർന്നു നീ അല്ലിപ്പൂവേ (അക്കര)

പറുദീസയിലെ പകുതി വിരിഞ്ഞൊരു
പാതിരാ മലർ തേടി
ഈ വഴിയരികിൽ വന്നു നിൽക്കുമോ-
രിടയ പെൺകൊടി ഞാൻ... ഇടയ പെൺകൊടി ഞാൻ (അക്കര)

തിങ്കൾക്കലയുടെ തേരിറങ്ങിയ തിരു ഹൃദയപ്പൂങ്കാവിൽ
പൂത്തു വന്നതു പൊൻകതിരോ പുഞ്ചിരിയോ പൂമിഴിയോ (അക്കര)

ശരപ്പൊളി മുത്തുകൾ വാരിത്തൂകിയ ശരോണിലെ സന്ധ്യകളിൽ
യെരുശലേം കന്യക പോലെ വിരുന്നു വന്നവളാണു ഞാൻ
വിരുന്നു വന്നവളാണു ഞാൻ (അക്കര)