Last Modified: February 29 2012 14:26:31.

ശ്രാവണ ചന്ദ്രികാ തന്ത്രിയില്‍ – എന്റെ
ശാരിക പാടുന്ന ഗാനം
സുസ്മിത മല്ലികാ വല്ലിയില്‍ – എന്റെ
ഭാമിനിയാടുന്ന താളം (സുസ്മിത )
(ശ്രാവണ )

ഒരു കോടി പൂ വിരിഞ്ഞാലും – അതില്‍
ഒരുപാട് തേന്‍ നിറഞ്ഞാലും (ഒരു കോടി )
അവളൊന്നു പുഞ്ചിരിച്ചാലേ – എന്റെ
മനസ്സിന്നു തിരുവോണമാകൂ (അവളൊന്നു )
(ശ്രാവണ )

നവതാരകള്‍ വിടര്‍ന്നാലും – എന്റെ
നയനത്തിലാടി നിന്നാലും (നവ )
അവളെന്റെ മുന്നില്‍ വന്നാലേ – എന്റെ
മനസ്സിന്നു തിരുവോണമാകൂ (അവളെന്റെ )
(ശ്രാവണ )