Last Modified: May 14 2019 10:46:14.

ശ്രീ ചൂഴും മാമല വാഴുമെന്നുണ്ണി
ശ്രീഹരിയ്ക്കോമനയായൊരുണ്ണി
കനലെഴും മിഴിയിലും
കാരുണ്യം വഴിയുന്ന
കൈലാസനാഥന്റെ കണ്ണിലുണ്ണി
(ശ്രീ ചൂഴും)

ചുരികയുമേന്തി നടക്കുന്നോരുണ്ണി
പുലികളോടൊപ്പംനിന്നു കളിക്കുമുണ്ണി
ശ്രീരാമപാദങ്ങൾ തഴുകിയ പമ്പയിൽ
നീരാടി വികൃതിയായ് മാറുമുണ്ണി
പൊന്നുണ്ണി!
(ശ്രീ ചൂഴും)

ശ്യാമളം കോമളം ബാലവേഷം - എന്നും
ചേതോഹരം നറുമന്ദഹാസം
വേഴാമ്പൽ‌പോലെ വന്നെത്തുവോരിൽ
കൃപ കോരിച്ചൊരിയുന്ന നീലമേഘം
നീലമേഘം!
(ശ്രീ ചൂഴും)