Last Modified: February 29 2012 14:28:22.
 

മാളികമുകൾ മേവിടുമമ്മേ
മാലുകൾ തഴുകീടുമൊരമ്മേ (2)
കാമവൈരിസുത വാമഭാഗമതു വാണിടുന്നൊരമ്മേ (2)
മതിമിഴിയാൻ ശിവഗതിയണയാൻ വരമരുളുക ദേവീ (2)
തിരുനടയിൽ വന്നു തവപദകമലയുഗം
അമ്മേ ചെമ്മേ പണിയാം
(മാളികമുകൾ...)


അണിയണേ കനിവോടണയണേ
അടിയനെൻ കനകപൊളിയലിതാ (2)
ഹരിഹരനേ മനമതിലനിശം
വരപരിചരണം ചെയ്‌വാൻ (2)
ശബരിശൃംഗമതിൽ വാണീടും
ശുഭതകർമ്മനിരതേ നാഥേ (2)
അടിയിലഭയമണയുംഅളവിലഴകൊടു
വിടരും കരുണയണിയുംമിഴികൾ
അടിയനു അമ്മേ എന്നും ശരണം
(മാളികമുകൾ...)

പതിതരിൽ കരുണ പൊഴിയണേ
പിഴകൾ നീ മുഴുവൻ പൊറുക്കണേ (2)
ശരമുനയാൽ തവ തനവണിയും
മരമതു മുറിവേൽപ്പിക്കും (2)
പ്രഥമമായി മലയേറീടും
നിഖിലഭക്തജനമീ ദേവീ (2)
അടിയിലഭയമണയുംഅളവിലഴകൊടു
വിടരും കരുണയണിയും മിഴികൾ
അടിയനു അമ്മേ എന്നും ശരണം
(മാളികമുകൾ...)