Last Modified: February 29 2012 14:28:27.

ആനയാനനൻ ഗണപതിഭഗവാൻ
ആഖുവാഹനൻ ഗുണനിധി ഭഗവാൻ
പമ്പയിൽ തുമ്പിക്കൈ തുണ തുടരുമ്പോൾ
വമ്പൻ മല നിൻ പൊൻ‌മല വലിയാനവട്ടം
വെറുമൊരു ചെറിയാനവട്ടം (ആന...)

നെറുകയിൽ കൈകൂപ്പി നിന്നു ഗർവ്വം
കറുകപുഷ്പാഞ്ജലി നേർന്നു സർവ്വം
അടിവാരസുരപതിക്കചലവിഘ്നങ്ങളെ
അടിമ കിടത്തുന്നു ശബരിപർവ്വം
ശബരീമോക്ഷപർവ്വം (ആന...)

ഹൃദയത്തിൽ സൂക്ഷിച്ചു ഹോമകുണ്ഡം
ഉദയത്തിൽ പൂജിച്ചു വക്രതുണ്ഡം
കലികാലകുലപതിക്കഖിലദുഃഖങ്ങളെ
കാണിക്ക വയ്ക്കുന്നു കർമ്മകാണ്ഡം
കർമ്മദോഷകാണ്ഡം (ആന...)