Last Modified: February 29 2012 14:29:27.
 

വെളുത്ത വാവേ വെളുത്ത വാവേ
വെള്ളിത്തളികയിലെന്താണ്
അരച്ചു കൂട്ടിയ ചന്ദനമോ
അംഗരാഗക്കുങ്കുമമോ

കറന്നു കാച്ചിയ കന്നിനിലാവ്
കടഞ്ഞെടുത്തൊരു വെണ്ണയോ
വാസന്ത മണ്ഡപനടയിൽ വിരിയും
വാസനമുല്ലപ്പൂക്കളോ
(വെളുത്ത വാവേ...)

വാർമഴവില്ലിൻ വർണ്ണക്കിളിയുടെ
വാടി വീണൊരു തൂവലോ
നാളെ വെളുപ്പിനു കളമെഴുതീടാൻ
ചാലിച്ചൊരു ചായമോ
(വെളുത്ത വാവേ..)

പാതിരാപ്പെണ്ണിനു മേനിയിലണിയാൻ
പാലയ്ക്കാമോതിരമോ
പകലിളവെയിലിനു ഞൊറിഞ്ഞുടുക്കാൻ
പുളിയിലക്കരയൊന്നരയോ
(വെളുത്ത വാവേ..)