Last Modified: February 29 2012 14:29:48.
 

മനുഷ്യാ നീ മണ്ണാകുന്നു
മണ്ണിലേയ്ക്ക് മടങ്ങും നൂനം
അനുതാപക്കണ്ണുനീർ വീഴ്തി
പാപ പരിഹാരം ചെയ്തു കൊൾക നീ
(മനുഷ്യാ..)

ഫലം നൽകാതുയർന്നു നിൽക്കും
വൃക്ഷനിരയെല്ലാം അരിഞ്ഞു വീഴ്ത്തും
എരിതീയിൽ എരിഞ്ഞു വീഴും
നീറി നിറം മാറി ചാമ്പലായ് തീരും
(മനുഷ്യാ..)

ദൈവപുത്രൻ വരും ഊഴിയിൽ
ധാന്യക്കളമെല്ലാം ശുചിയാക്കുവാൻ
നെന്മണികൾ സംഭരിക്കുന്നു
കെട്ട പതിരെല്ലാം ചുട്ടെരിക്കുന്നു
(മനുഷ്യാ..)

ആയിരങ്ങൾ വീണു താഴുന്നു
മർത്ത്യ മാനസങ്ങൾ വെന്തു നീറുന്നു
നിത്യജീവൻ നൽകിടും നീർച്ചാൽ
വിട്ടു മരുഭൂവിൽ ജലം തേടുന്നു
(മനുഷ്യാ..)