Last Modified: February 29 2012 14:31:33.


ചേതോഹരം ശുഭ്ര തേജോമയം
ആത്മാവിലാനന്ദ പുളകോദ്ഗമം
ആരാധനീയം സച്ചിതാനന്ദം
മുക്തിപ്രദം ദിവ്യ സന്നിധാനം
(ചേതോഹരം)

നിന്റെ വിലാവിലെ നീരൊഴുക്കില്‍ നിന്നും
ചിന്തിയ ചോരയാല്‍ മിഴി തെളിക്കാന്‍ (നിന്റെ )
പതിനാലു പടവും കേറിയീ മലയുടെ
നിറുകയിലെത്തുന്നീ അപരാധി ഞാന്‍
പാപച്ചുമടുമായെത്തുന്നീ അനുതാപി ഞാന്‍
(ചേതോഹരം)

ദൂരെയപാരമാം താഴ്വരയില്‍പ്പോലും
കേള്‍ക്കുന്നു ക്രൂശിലെ നിലവിളികള്‍ (ദൂരെ )
പിതാവേ ക്ഷമിക്കുക ചെയ്തവയേതുമേ
അറിയാത്തവരോട് പൊറുക്കേണമേ
പാപപരിഹാരമായെന്നെ കരുതേണമേ
(ചേതോഹരം)