Last Modified: December 13 2017 08:00:45.



വണ്ടിപ്പെരിയാരും മേടും നടപ്പാതയാക്കി
ഇണ്ടലൊക്കെ ഇരുമുടിയായി ശിരസ്സിന്മേൽ ഏന്തി
അണ്ഡകങ്ങൾ വാഴും അയ്യാ കലികാല ദേവാ
കണ്ടു നിന്നെ കുമ്പിടുവാൻ വരവായി ഞങ്ങൾ

അയ്യപ്പ തിന്തകതോറും സ്വാമി തിന്തകതോം
അയ്യപ്പ തിന്തകതോറും സ്വാമി തിന്തകതോം


പലകോടി ഭക്‌തജനം പതിവായി നിൻ നടയിൽ
മകര സംക്രാന്തി ദിനം എത്തിടുമ്പോൾ
നീ അവരിൽ കൃപ ചൊരിയണമേ അയ്യപ്പാ (2)
അവരിൽ കൃപ ചൊരിയണമേ ശ്രീധർമ്മശാസ്താ

നിറദീപ നെയ്തിരികൾ നിറയും നിൻ കോവിലിലെ
നടയിൽ നിന്നെരിയുമ്പോൾ ഇഷ്ടദേവാ
നീ വരമെല്ലാം തരുകില്ലേ അയ്യപ്പാ (2)
വരമെല്ലാം തരുകില്ലേ ശ്രീ ഭൂതനാഥാ

സത്യദീപ നാളമല്ലോ നിത്യ ബ്രഹ്മചാരിയല്ലോ
ഭക്ത ജനകോടികൾ തൻ ശക്തിയല്ലോ
നീ മുക്തി ഞങ്ങൾക്കേകുകില്ലേ അയ്യപ്പാ (2)
മുക്തി ഞങ്ങൾക്കേകുകില്ലേ ആനന്ദ രൂപാ