വിശദവിവരങ്ങള് | |
വര്ഷം | NA |
സംഗീതം | വിജയ് കരുൺ |
ഗാനരചന | രാജീവ് ആലുങ്കൽ |
ഗായകര് | പി വി പ്രീത |
രാഗം | ഹംസാനന്ദി |
ഗാനത്തിന്റെ വരികള് | |
Last Modified: August 15 2012 06:04:15.
ഊര്മ്മിളേ (2) ഊര്മ്മിളേ നിന്നുടെ ജന്മദുഃഖങ്ങള് ഊഴിയിലാരാരും അറിഞ്ഞതില്ല (2) വനവാസകാലത്തു് ലക്ഷ്മണന് പോലും നിന് വിരഹവേദന നിനച്ചതില്ല ഏകാകിനി നിന്റെ ചുടു നെടുവീര്പ്പുകള് സരയൂ നദി പോലും കേട്ടതില്ല (ഊര്മ്മിളേ ) ജനകന്റെ പുത്രിയാണെങ്കിലും നിന്നെ ജാനകി എന്നാരും വിളിച്ചതില്ല (2) സീതയും നിന്നുടെ സഹനത്തിനാഴത്തില് എത്തുവാന് ഒരു വേള തുനിഞ്ഞതില്ല വേദന കനല് തിന്നും നിന്റെ ഏകാന്തത വാത്മീകി പോലും കുറിച്ചതില്ല ഊര്മ്മിളേ (ഊര്മ്മിളേ ) വിലപിക്കുവാനുള്ളതല്ല സ്ത്രീജന്മം എന്നു നീ അന്നേ പഠിച്ചിരുന്നോ (2) നിഴല് പോലെ കാന്തന്റെ കൂടെയില്ലെങ്കിലും അഴല് മൂടി വാടാതെ കാത്തിരുന്നു ആരും പുകഴ്ത്താത്ത നിന് ശക്തി വൈഭവം നേരറിഞ്ഞിന്നു ഞാന് പാടുന്നു (ഊര്മ്മിളേ ) | |