| വിശദവിവരങ്ങള്‍ | |
| വര്‍ഷം | 2011 |
| സംഗീതം | വി കെ ശശിധരൻ |
| ഗാനരചന | ഓ എന്‍ വി കുറുപ്പ് |
| ഗായകര്‍ | വി കെ ശശിധരൻ ,കോറസ്‌ |
| രാഗം | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:33:57.
ഓമല്‍ കൈരളി പാടു ഒരായിരം തിരുനാവുകളില്‍ ഒരായിരം തിരുവരങ്ങിലിനിയും ഓമല്‍ കൈരളി പാടു കേരളമൊന്നായ് തീര്‍ന്നൊരു നാളില്‍ കേളി മുഴങ്ങട്ടെ അത്തിരുനാളിന്‍ കേളിമുഴങ്ങട്ടെ ഓണപ്പാട്ടിന്‍ ശീലുകലല്ലോ തേനും വയമ്പുമേകീ-പണ്ട് തേനും വയമ്പുമേകീ തിരുവാതിരകളുടെ കുളിരാടുന്നോ- രിളനീരെത്ര നുകര്‍ന്നു-നല്ലോ- രിളനീരെത്ര നുകര്‍ന്നു മാറീകാലം മാറീതാളം മാറീ മാനവജീവിതമെങ്ങും മാറീ-മാറീ- മാറീ പഴകിയോരോണപ്പാട്ടിന്‍ ശീലിന്‍ പയ്യാരങ്ങള്‍ കേള്‍ക്കുന്നു പഴയൊരു തോണിപ്പട്ടുകള്‍ കണ്ണീര്‍- പ്പുഴയില്‍ മുങ്ങി മരിക്കുന്നു മാറീ-മാറീ- മാറീ മാറീനേരുകള്‍,പോയി വേരുകള്‍ മാറീ വാഴ്വിന്‍ മുഖങ്ങളെങ്ങും മാറീ-മാറീ- മാറീ കൈരളി പാടുമ്പോള്‍,മാമലനാടിന്റെ ഓരോരോമുറ്റത്തും പൂവെപൊലി കൈരളി പാടുമ്പോള്‍-പൂക്കാത്തമുല്ലയ്ക്ക് മുന്നാഴിപ്പൂമുത്ത് കൈനിറയെ! കൈരളി പാടുമ്പോള്‍-ആരോമല്‍കുഞ്ഞിനും ഓമനത്തിങ്കള്‍ പൂപ്പുഞ്ചിരി! കൈരളി പാടുമ്പോള്‍,പാടത്തെപ്പാട്ടിലും ആരോമല്‍ ചേകവരങ്കംവെട്ട്‌! മാറീകാലം,മാറീതാളം മാറീപുകിലുകളെങ്ങെങ്ങും! മാറീ നേരുകള്‍ മാറീ പോരുകള്‍ മാറ്റുക പഴകിയ ശീലുകള്‍ നാം! ഇനി നമ്മള്‍ പാടുന്ന പാട്ടിലുണ്ടാവട്ടെ വരളുന്ന മണ്ണിന്റെ നൊമ്പരങ്ങള്‍-ചോര പുരളുന്ന നേരിന്റെ നേര്‍മുഖങ്ങള്‍-ഞെട്ടി- യുണരും മനസ്സിന്റെയുള്‍വിളികള്‍-നൊന്തു- പിടയുന്ന ജീവന്റെ മുറവിളികള്‍! ഇനി നമ്മള്‍ പാടുന്ന പാട്ടിലുണ്ടാവട്ടെ ഇനിവരും കാലത്തിന്‍ കണ്‍വെളിച്ചം-നമ്മ- ളിനിയും കൊതിക്കും പുലര്‍വെളിച്ചം-\"മേലില്‍ ഇവിടെ മനുഷ്യന്‍ അനാഥനല്ല!\" എന്നൊ- രിടിനാദം പോലാം വിളംബരങ്ങള്‍! ഇനി നമ്മളാലപിക്കുന്ന സംഗീതത്തില്‍ മനുജാഭിമാനത്തിന്‍ മണിമുഴക്കം ഇനി നമ്മളാലപിക്കുന്ന സംഗീതത്തില്‍ മനുജന്റെ സ്നേഹ സങ്കീര്‍ത്തനങ്ങള്‍ ഇനി നമ്മള്‍ പാടുന്ന പാട്ടിന്നു കൂട്ടായി പരകോടി ഹൃദയങ്ങള്‍ പാടും!അതില്‍ ജനകോടികള്‍ മുക്തി നേടും! | |