Last Modified: February 29 2012 14:33:58.
 
മൂകാംബികേ നമോ മൂകാംബികേ
രാഗാർദ്രയാം നീയെൻ നാവിലും ജ്ഞാനത്തിൻ
ആദ്യാക്ഷരങ്ങൾ കുറിക്കേണമേ
മാധുര്യമനിശം നിറയ്ക്കേണമേ
(മൂകാംബികേ.......)

കുടജാദ്രി തന്നുടെ ഹരിതാഭയെന്നുടെ
ഹൃദയത്തിൽ ഇയലേണമേ (2)
ഉദയശ്രീയാം ദേവി നീയെന്നുമൊളിയോടെ
സദയം വന്നമരേണമേ (2)
നിന്റെ ശ്രീലകമാക്കേണമേ
(മൂകാംബികേ.......)

സൗപർണ്ണീകാ തീർത്ഥക്കുളിരെന്നുമെന്നുടെ
പദങ്ങളിൽ പുലരേണമേ (2)
സ്വരവ്യഞ്ജനാകൃതേ തിരുവുള്ളം തെളിഞ്ഞതിൽ
പരിചോടെ ആടേണമേ (2)
നിന്റെ കച്ചഭി ചേർക്കേണമേ
(മൂകാംബികേ.......)