Last Modified: July 06 2012 06:34:28.

കരുണാമയാ കനിയേണമേ
ദൈവപിതാവേ കനിയേണമേ
കരുണയായിരിക്കേണമേ
ഞങ്ങളിൽ കരുണയായിരിക്കേണമേ
(കരുണാമയാ…)

ഞങ്ങളും ഞങ്ങൾ തൻ മാതാപിതാക്കളും
പൂർവികരും വഴി വന്നു പോയ (2)
സകലപാപങ്ങളും നിൻ സുതനീശോ തൻ
തിരുരക്തത്താലേ കഴുകേണമേ
വിശുദ്ധീകരിക്കേണമേ
(കരുണാമയാ…)

ലോകം മുഴുവൻ നിറയുന്നു ഘോരമാം
പാപത്തിൻ ഭീകര ഗർജ്ജനങ്ങൾ (2)
ഈശോ തൻ ദാരുണ പീഢകളോർത്തെന്നും
കരുണയായിരിക്കേണമേ
വിശുദ്ധീകരിക്കേണമേ
(കരുണാമയാ…)