Last Modified: July 15 2012 11:56:04.

ദൈവത്തിന്റെ കല്പനകൾ മക്കളേ മറന്നീടല്ലേ
മാനസാന്തരപ്പെടുവിൻ മാതാവെന്നും ചൊല്ലിടുന്നു
ലോകം മുഴുവൻ നിറഞ്ഞു പാപത്തിന്റെ ബന്ധനങ്ങൾ
പാപമാകും കൂരിരുളിൽ മക്കളിന്നും ജീവിക്കുന്നു

സ്നേഹത്തിന്റെ കൂട്ടായ്മയാം സൽക്കുടുംബ ബന്ധങ്ങളെ
ച്ഛിന്നഭിന്നമാക്കീടുവാൻ ദുഷ്ടാരൂപി വന്നീടുന്നു
മുട്ടുകുത്തി കൈകൾ കൂപ്പി കൊന്ത നിങ്ങൾ ചൊല്ലീടുവിൻ
ഈ കുടുംബപ്രാർത്ഥനയാൽ ശക്തി നിങ്ങൾ നേടിടുവിൻ
നാശമേറും പാപച്ചേറ്റിൽ മക്കളിനി താഴരുതേ
രക്ഷ തന്ന യേശുവിനെ വീണ്ടും നിങ്ങൾ ക്രൂശിക്കല്ലേ

കുമ്പസാര കൂദാശയാൽ ശുദ്ധി നിങ്ങൾ നേടിടുവിൻ
പരിശുദ്ധ കുർബാനയെ ഭക്തിയോടെ ഉൾക്കൊള്ളുവിൻ
പാവനാത്മനേകിടുന്ന ജീവനേകും തിരുവചനം
ധ്യാനിച്ചനുതാപത്തിന്റെ മാർഗ്ഗം നിങ്ങൾ സ്വീകരിപ്പിൻ