Last Modified: June 13 2012 07:17:40.

ഏകദന്തം മഹാകായം
തപ്ത കാഞ്ചന സന്നിധം
ലംബോധരം വിശാലാക്ഷം
വന്ദേഹം ഗണ നായകം

ശരണം ശരണം എന്നും ശബരിമല
ഹരിഹരസുതൻ വാഴും കനകമല (2)
വരദാനപ്രഭുവിന്റെ കളഭമല സ്വാമി
തിരുമിഴിയുഴിന്നൊരമൃതകല (2)
ആദിമല വേദമല ശക്തിമല ശരണമല (2)
(ശരണം ശരണം …)

മനസ്സിലും വിളക്കിലും തിരി കൊളുത്താം
മിഴികളാൽ കർപ്പൂര തിരിയുഴിയാം
പുലിവാഹനനെന്റെ പാപ പുണ്യങ്ങളെ
പുലരികളാക്കുന്നതെന്നാണോ (2)
സ്നേഹപ്പുതുമഴ പെയ്യുന്നതെന്നാണോ
ആദിമല വേദമല ശക്തിമല ശരണമല (2)
(ശരണം ശരണം …)

സ്വാമിയേ ശരണമയ്യപ്പോ…
ഉരുകുന്ന നെയ്യിലെൻ ഉയിരൊഴുക്കാം
ഉദയത്തിൻ പമ്പയിൽ കുളിച്ചൊരുങ്ങാം (2)
കരിനീലദുഃഖങ്ങൾ അണിയുമെൻ നെറുകയിൽ
കളഭമായ് കുറിയുന്നതെന്നാണോ
സ്വാമീ കരുണ ചെയ്തലിയുന്നതെന്നാണോ
ആദിമല വേദമല ശക്തിമല ശരണമല (2)
(ശരണം ശരണം …)