Last Modified: July 19 2013 07:47:09.

തിരുമുഖം കണ്ടു തൊഴാൻ തൃപ്പദം കണ്ടു വണങ്ങാൻ
നരജന്മ പാപങ്ങൾ ഒക്കെയും ഒന്നൊന്നായ്
ഏറ്റു പറഞ്ഞിട്ട് കണ്ണീരു തൂകുവാൻ അയ്യനേ
പുഴ നീന്തി മലതാണ്ടി അടിയങ്ങൾ വരുന്നേ
(തിരുമുഖം …)

ആലംബഹീനരെ കൈയേറ്റി വിടുവതും നീ
ആശ്രിതക്കാർക്കാശ്വാസമേകുന്നതും നീ (2)
സുഖമരുളുന്നതും ശുഭമരുളുന്നതും
ഇഹപരസുഖമൊക്കെ പാടേ വെടിഞ്ഞ നീ (2)
(തിരുമുഖം …)

അറിയില്ലയിനിയേതു വിധമാണു നാളെയെ-
ന്നറിയില്ല ഇനിയുള്ള കർമങ്ങളെന്തെന്നും
അറിയില്ല ഇനിയെന്റെ വഴിയേതെന്നും
എല്ലാം അവിടുത്തെ ഹിതം പോലെയല്ലേ (2)
(തിരുമുഖം …)