Last Modified: July 19 2013 07:45:33.

ഒഴുകി വരികയായ് പമ്പാ ഒഴുകി വരികയായ്
അഗതിയോട് ദേവനുള്ള കരുണയെന്ന പോൽ
പമ്പാ ഒഴുകി വരികയായ്
(ഒഴുകി……)

കരതലത്തിൽ അമൃതമോടെ ഒഴുകി വരികയായ്
കളഭധൂപ ഗന്ധമോടെ ഒഴുകി വരികയായ്
ശബരിനാഥ ഗാഥ പാടി ഒഴുകി വരികയായ്
സ്വാമി ശരണ പങ്കജങ്ങൾ തഴുകി ഒഴുകി വരികയായ്
ഒഴുകി വരികയായ് ഒഴുകി വരികയായ് ഒഴുകി വരികയായ്
(ഒഴുകി വരികയായ്..)

ശങ്കരന്റെ ഗംഗ പോലെ പരമ പാവനി
മാധവന്റെ യമുന പോലെ സ്നേഹവാഹിനി
പ്രണവമന്ത്രമുരുവിടുന്ന വനതപസ്വിനി
ഇവൾ അഗതികൾക്ക് പുണ്യമേകും അചലവാസിനി
(ഒഴുകി വരികയായ്…)

മലയിൽ നിന്നും ഉൽഭവിക്കും അമലയാണു നീ
ശബരി പണ്ടനുഗ്രഹിച്ച ധന്യയാണു നീ
മലകളാളറിഞ്ഞു പുൽകും അമ്മയാണു നീ
സകലരും നമിച്ചിടുന്ന ദേവിയാണു നീ
(ഒഴുകി വരികയായ്..)