Last Modified: June 09 2012 12:35:52.
 
നാമജപത്തിൽ മുങ്ങിയുണർ-
ന്നോരേകാദശി നാളിൽ
കളഭം ചാർത്തിയ നിൻ തിരുമേനി
കണി കണ്ടുണരാവൂ ഞാൻ
കണി കണ്ടുണരാവൂ
(നാമജപത്തിൽ..)

നീലത്തുളസീ മാലകൾ ചാർത്തി
ചികുരേ പീലി ചാർത്തി (2)
ഓമൽച്ചുണ്ടിൽ മുരളിക ചേർത്തൊ-
രോമൽ ഗാനം പാടി(2)
നവനീതചോരാ നന്ദകിശോരാ
കണി കണ്ടുണരാവൂ ഞാൻ
കണി കണ്ടുണരാവൂ
(നാമജപത്തിൽ..)

പൊൻകസവിന്നുടയാട ചാർത്തി
പൊൻകിങ്ങിണി ചാർത്തി (2)
ഗോകുലബാല വിചേഷ്ടിതനായ്
ഓരോ ലീലകൾ കാട്ടി (2)
ഗോകുലപാലാ ഗോപകുമാരാ
കണി കണ്ടുണരാവൂ ഞാൻ
കണി കണ്ടുണരാവൂ
(നാമജപത്തിൽ..)