Last Modified: October 19 2012 05:24:51.

ഈ നീലരാവിൽ നിൻ
മിഴിയിണയിൽ കണ്ടു ഞാൻ
ഏതപൂർവ ചാരുത ഏതൊരാത്മ നൊമ്പരം
സഖീ നിന്റെ ചാരത്തു ഞാൻ
പിണക്കം അരുതരുതേ
( ഈ നീലരാവിൽ….)

ചന്ദ്രിക പോലും നാണിച്ചിടും നിൻ
സുന്ദരവദനം വാടിയെന്നാൽ
കരളിതിൽ കരിയും കനവിൻ പൂവുകൾ
കരകാണാതെ അലയുന്നു
( ഈ നീലരാവിൽ….)

ഒരു വാക്കു പോലും ഉരിയാടാതെൻ
അരികെ വരുമ്പോൾ എന്തേ മൗനം
അറിയുകയായ് നിൻ പരിഭവമെല്ലാം
അലിയുകയായ് നാം ഒന്നായ് വീണ്ടും
( ഈ നീലരാവിൽ….)