Last Modified: February 29 2012 14:26:53.
 

മഴയുടെ തംബുരു ശ്രുതി ചേർത്തു
ഞാനൊരു മാധവഗീതം പാടാം
അരികിലിരുന്നതു കാതോർക്കുവാനെൻ
കനകനിലാവേ വാ
നിന്റെ കടമിഴിത്താളം താ
(മഴയുടെ തംബുരു..)

മധുരമീ പ്രണയവും സ്വരമുത്തും പവിഴവും
ചിരിയുടെ നൂലിൽ കോർത്തു നീ
ഇണക്കവും പിണക്കവും പരസ്പരമറിഞ്ഞു നീ
എനിക്കെന്റെ സർവസ്വമായ്
നിറമുള്ള പൂക്കൾ ഒരുമിച്ചു ചേർന്നാൽ
പുതിയൊരു പൂക്കളം പോലെ
ജീവിതം നമുക്കെന്നും ഒണം പോലെ
(മഴയുടെ തംബുരു..)


പുതിയൊരു രാഗത്തിൻ പുഷ്പോത്സവത്തിലെൻ
അനുപല്ലവിയായ് വന്നു നീ
എനിക്കെന്റെ രാഗവും ഭാവവും താളവും
മനസ്വിനീ നീയല്ലയോ
ഇനിയുള്ള കാലവും ഒരുമിച്ചു പാടാൻ
ഇതളിടും ഓർമ്മകളോടെ
ജീവിതം ഒരു യുഗ്മഗാനം പോലെ
(മഴയുടെ തംബുരു..)