Last Modified: February 29 2012 14:34:55.
Alinte kombathu chelakkalla Krishna


 ആലിന്റെ കൊമ്പത്ത് ചേലക്കള്ളാ കണ്ണാ

ഓടക്കുഴൽക്കാരാ ആട തായോ

കാണാതെ കാറ്റത്തു ചേല പറന്നെങ്കിൽ

ഞാനെന്തു വേണമെൻ ഗോപിമാരെ



കണ്ടില്ല കേട്ടില്ല എന്നു നടിക്കേണ്ട

കൊണ്ടൽ വർണ്ണാ കൃഷ്ണാ ചേല തായോ

കുന്നോളം പോരുന്ന വെണ്ണ തരാം നിന്റെ

കുഞ്ഞി ക്കൈ രണ്ടിലും ആട തായോ



വെണ്ണമാത്രം തിന്നു ദാഹം വളർത്തുവാൻ

എന്നെക്കൊണ്ടാവില്ല ഗോപിമാരെ

ഗോകുലം തന്നിലെ പൈക്ക്ക്കൾ തൻ പാലെല്ലാം

ഗോപാലാ നൽകീടാം ചേല തായോ

പൊന്നു കൊണ്ടുള്ളൊരു പുല്ലാം കുഴൽ തരാം

പൊന്നുണ്ണി കണ്ണാ നീ ആട തായോ



പുണ്യ കാളിന്ദിയിൽ ആടകളില്ലാതെ

പെണ്ണുങ്ങളെന്തിനായ് ചെന്നിറങ്ങീ

വന്നെന്റെ ചാരത്തു കൈകൂപ്പി നിൽക്കുകിൽ

സുന്ദരി മാരെ ഞാൻ ആട നൽകാം

സുന്ദരി മാരെ ഞാൻ ആട നൽകാം.