Last Modified: February 29 2012 14:41:56.

കാട്ടിലെ മൈനയെ പാട്ടുപഠിപ്പിച്ചതാരോ കുളിർകാറ്റോ
കാറ്റിന്റെ താളത്തിൽ ആടുന്ന പൊൻമുളം കാടോ മലർമേടോ
അലമാലയായിരം മയിലാടിടുന്ന പോൽ ഇളകും കടലോ നിനയോരം

ചന്ദന പൂങ്കാവുകളിൽ തന്നന്നമാടുന്ന പൂവുകളോ
പൂവുകളിൽ ആടി വരും കുഞ്ഞു മാലാഖതൻ തൃക്കഴലോ
തൃക്കഴലാടും പൊൽത്തളയോ
പൊൽത്തള ചാർത്തും മുത്തുകളോ
താളം ചൊല്ലിത്തന്നു
(കാട്ടിലെ..)

ചെങ്കദളീ കൂമ്പുകളിൽ തേൻ വിരുന്നുണ്ണുന്ന തുമ്പികളോ
തുമ്പികൾ തൻ പൂഞ്ചിറകിൽ തുള്ളി തുളുമ്പുന്ന പൊൻവെയിലോ
പൊൻവെയിലാടും പുൽക്കൊടിയോ
പുൽക്കൊടി തുമ്പത്തെ മുത്തുകളോ
താളം ചൊല്ലിത്തന്നു
(കാട്ടിലെ..)