Last Modified: February 29 2012 14:42:28.



മാമല മേലേ വാർമഴമേഘം പെയ്തല്ലോ
തേന്മഴ പേറിയ മംഗളമേളം കേട്ടല്ലോ
ചന്ദനപ്പന്തലിലെങ്ങോ തുടി പാട്ടും കൊട്ടുമുയർന്നലോ
ചിത്തിര തോണിയിലാരോ കളിപ്പൂത്തിരി വെട്ടമുഴിഞ്ഞല്ലോ
ആലോല രാഗമാർന്നു മോഹച്ചാമരങ്ങൾ ആടി ആ..ആ.ആ
(മാമല മേലേ..)

പൊൻ വേണു ഗാനം താലോലമായ് മാറുമ്പോൾ
ഏതോ വാസന്തമെന്റെ കണ്ണീർത്തുടം മായ്ക്കുമ്പൊൾ
ആനന്ദ ചന്ദ്രനായ് ഞാൻ മാറുമ്പോൾ
ആയിരം നാദങ്ങളും ആയിരം സ്വരങ്ങളും
ഏകമായ് ചേരും ശ്രുതിയായിതാ സ്നേഹം
തമ്മിലലിഞ്ഞു നാമൊന്നാകവേ
സൗഹൃദമന്ത്രം സമ്പൂർണ്ണമാവേ
ഈ ജന്മ ബന്ധമെത്ര ബന്ധുരം
കർമ്മഭൂമി എത്രയെത്ര പാവനം
(മാമല...)

ചേതോവികാരമെന്റെ സംഗീതമായ് ചിന്നുമ്പോൾ
സ്വപ്നങ്ങൾ എന്റെ കൈയ്യിൽ മൺവീണയായ് മാറുമ്പോൾ
സോപാന ഗീതകം ഞാൻ പാടുമ്പോൾ
ഈ വർണ്ണസന്ധ്യ എത്ര മോഹനം
സൗഗന്ധികങ്ങളെത്ര സുന്ദരം
ആ..ആ..ആ..
(മാമല..)