Last Modified: September 06 2020 10:43:49.
വേലിപ്പടർപ്പിലെ നീലക്കടമ്പിലെ
വേളിപ്പൂപോലത്തെ പെണ്ണേ
നിന്റെ വളപ്പിലെ പുൽക്കൊടി പൂവിട്ടാൽ
എന്റെ മനസ്സ് മണത്തറിയും
(വേലിപ്പടർപ്പിലെ....)

നാലുകെട്ടിനുള്ളിൽ നാണിച്ചിരുന്നു നീ
നാടോടിഗാനങ്ങൾ മൂളിയെന്നാൽ
(നാലുകെട്ടിനുള്ളിൽ....)
ഈണത്തിലെന്നിലാ കാകളിത്തേൻമഴ
പാലാറുപോലുടൻ ചേർന്നലിയും - 2
(വേലിപ്പടർപ്പിലെ....)

ആറാട്ടുപുഴയിലെ നീരാട്ട്കടവിൽ
ആരോരും കാണാതെ മുങ്ങുമ്പോൾ
(ആറാട്ടുപുഴയിലെ....)
ആയിരം കൈകളാൽ നിന്നരക്കെട്ടിൽ ഞാൻ
ആലോലപ്പൂത്തിരപോൽ പൊതിയും - 2
(വേലിപ്പടർപ്പിലെ....)