മന്മഥനാം ചിത്രകാരന്‍ (ലക്ഷപ്രഭു )
This page was generated on March 28, 2024, 6:02 pm UTC
വിശദവിവരങ്ങള്‍
വര്‍ഷം 1968
സംഗീതംഎം എസ്‌ ബാബുരാജ്‌
ഗാനരചനപി ഭാസ്കരന്‍
ഗായകര്‍പി ജയചന്ദ്രൻ
രാഗംലഭ്യമല്ല
അഭിനേതാക്കള്‍കെ പി ഉമ്മർ ,ഷീല
ഗാനത്തിന്റെ വരികള്‍
Last Modified: February 29 2012 14:37:28.

മന്മഥനാം ചിത്രകാരന്‍ മഴവില്ലിന്‍ തൂലികയാലേ
കിളിവാതിലിലെഴുതിച്ചേര്‍ത്ത മധുരചിത്രമേ -മന്നില്‍
മലരിട്ട താരുണ്യത്തിന്‍ പുതിയ പുഷ്പമേ (മന്മഥനാം)

വെണ്ണിലാവില്‍ കുഴച്ചുതീര്‍ത്ത പ്രതിമാശില്പമേ
കണ്ണിണകള്‍ കാത്തിരുന്ന സുരഭീസ്വപ്നമേ
പ്രേമയമുനാനദിയില്‍ നീന്തും സുവര്‍ണ്ണമത്സ്യമേ
പ്രേമയമുനാനദിയില്‍ നീന്തും സുവര്‍ണ്ണമത്സ്യമേ -
താമസിക്കാന്‍ താമരയല്ലിക്കൂടു തരാം ഞാന്‍
(മന്മഥനാം)

ഞാനറിയാതെന്നിലുള്ള വീണക്കമ്പികളില്‍
ഗാനധാര മീട്ടിടുന്നു നിന്റെ കണ്മുനകള്‍
കാല്‍ച്ചിലമ്പൊലി വീശിവന്ന കവിതാശകലമേ
കാല്‍ച്ചിലമ്പൊലി വീശിവന്ന കവിതാശകലമേ നീ
കാല്‍ക്ഷണത്തിലണിയറ പൂകാന്‍ കാരണമെന്തേ ?
(മന്മഥനാം)





malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts