സ്വര്‍ണ്ണച്ചാമരം വീശിയെത്തുന്ന (യക്ഷി )
This page was generated on June 17, 2024, 6:18 am UTC
വിശദവിവരങ്ങള്‍
വര്‍ഷം 1968
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി ലീല
രാഗംകല്യാണി
അഭിനേതാക്കള്‍സത്യന്‍ ,ഉഷാകുമാരി
ഗാനത്തിന്റെ വരികള്‍
Last Modified: February 29 2012 14:37:30.
സ്വർണ്ണച്ചാമരം വീശിയെത്തുന്ന സ്വപ്നമായിരുന്നെങ്കിൽ ഞാൻ
സ്വർഗ്ഗ സീമകളുമ്മവെക്കുന്ന സ്വപ്നമായിരുന്നെങ്കിൽ ഞാൻ
(സ്വർണ്ണച്ചാമരം.....)
ഹർഷ ലോലയായ് നിത്യവും നിന്റെ ഹംസ തൂലികാ ശയ്യയിൽ
വന്നു പൂവിടുമായിരുന്നു ഞാൻ എന്നുമീ പർണ്ണശാലയിൽ.

താവകാത്മാവിനുള്ളിലെ നിത്യ ദാഹമായിരുന്നെങ്കിൽ ഞാൻ
മൂകമാം നിൻ മനോരഥത്തിലെ മോഹമായിരുന്നെങ്കിൽ ഞാൻ
നൃത്ത ലോലയായ് നിത്യവും നിന്റെ മുഗ്ദ്ധ സങ്കൽ‌പ്പമാകവേ
വന്നു ചാർത്തിക്കു മായിരുന്നു ഞാൻ എന്നിലേ പ്രേമ സൌരഭം

ഗായകാ നിൻ വിപഞ്ചികയിലെ ഗാനമായിരുന്നെങ്കിൽ ഞാൻ
താവകാംഗുലി ലാളിതമൊരു താളമായിരുന്നെങ്കിൽ ഞാൻ
കൽ‌പ്പനകൾ ചിറകണിയുന്ന പുഷ്പ മംഗല്ല്യ രാത്രിയിൽ
വന്നു ചൂടിക്കുമായിരുന്നു ഞാൻ എന്നിലേ രാഗ മാലിക.
(സ്വർണ്ണച്ചാമരം...)

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts