Last Modified: February 29 2012 14:44:49.

ഒരു വട്ടം കൂടെ കാണാൻ കൊതിയുണ്ടോ മാരനെ
പുലർവെട്ടം മായും മുൻപേ
കിനാക്കണ്ടു പുഞ്ചിരി തൂകും നേരം
നിലാപ്പൂക്കൾ നാണിക്കുന്നു
നെഞ്ചത്തെ ചൂടും റൂഹും തഞ്ചത്തിൽ പോകുവോളം
മൊഞ്ചത്തിപ്പെണ്ണേ നീയുണ്ടാകും അവനോടൊപ്പം
മൊഞ്ചത്തിപ്പെണ്ണേ നീയുണ്ടാകും
അസർമുല്ല പൂത്തതു പോലെ
പതിനാലാം രാവിൻ അഴകൊഴുകും മണവാട്ടിപ്പെണ്ണേ

നീ ചിരിക്കുമ്പോൾ കിലുങ്ങുന്ന കൈവള
നീ നടക്കുമ്പോൾ മൊഴിയുന്ന കാൽത്തള (2)
ഒരു സ്വരലയ താളം തേനിശലായ് പകർന്നു നൽകുമ്പോൾ
കരളേ കൽബിന്റെ തന്ത്രിയിൽ മാരൻ ശ്രുതി മീട്ടുന്നു
അസർമുല്ല പൂത്തതു പോലെ
പതിനാലാം രാവിൻ അഴകൊഴുകും മണവാട്ടിപ്പെണ്ണേ
അസർമുല്ല പൂത്തതു പോലെ
പതിനാലാം രാവിൻ അഴകൊഴുകും മണവാട്ടിപ്പെണ്ണേ

നിൻ കടക്കണ്ണിൽ വിരിയുന്ന കവിതകൾ
ആ മനസ്സിനെ മയക്കുന്ന അമ്പുകൾ (2)
നിൻ കനവുകലെല്ലാം നിനവുകളായ് പൂത്തു നിൽക്കുമ്പോൾ
അഴകേ ഇടനെഞ്ചിൻ തുടി താളങ്ങൾ കളി ചൊല്ലുന്നോ
(ഒരു വട്ടം കൂടി.....)