Last Modified: September 16 2018 09:46:59.
വാചാലമൗനമേ വാചാലമൗനമേ
ഒരുനൂറുനാവുള്ള വാചാലമൗനമേ
പറയാത്ത സത്യങ്ങളെത്ര..
ആരോടും പറയാത്ത സത്യങ്ങളെത്ര..
മനസ്സിന്റെ ആഴങ്ങളര്‍ഥങ്ങളെത്ര
വാചാലമൗനമേ..

ആത്മദു:ഖങ്ങളെ മൂടിപ്പൊതിയുന്ന
സ്‌നേഹപുഷ്പങ്ങളെപ്പോലെ
ആഴക്കയങ്ങളെ മൂടിക്കിടക്കുന്ന
നീലനീര്‍പ്പോളകള്‍ പോലെ
കണ്ണീര്‍ക്കിനാവിന്റെ നൊമ്പരപ്പാടിലും
മന്ദഹസിക്കുന്നതാര്.. (2)
മിണ്ടാതെ മന്ദഹസിക്കുന്നതാര് (വാചാലമൗനമേ..)

സൂര്യഗായത്രികള്‍ പാടിയുണര്‍ത്തുന്ന
ശ്യാമയാമങ്ങളെ ചൊല്ലൂ..
ഭാഗ്യനിര്‍ഭാഗ്യങ്ങള്‍ കൂടെനടക്കുന്ന
കാലപ്രവാഹമേ ചൊല്ലൂ..
എന്തീമുനമ്പിലെ മുന്തിരിത്തോപ്പിലെ
പഞ്ചവര്‍ണ്ണക്കിളി പോയീ...(2)
മിണ്ടാതെ പഞ്ചവര്‍ണക്കിളി പോയി.. (വാചാലമൗനമേ..)