കടം കഥ പറയുന്ന (വീട്ടുമൃഗം )
This page was generated on March 28, 2024, 7:51 pm UTC
വിശദവിവരങ്ങള്‍
വര്‍ഷം 1969
സംഗീതംജി ദേവരാജന്‍
ഗാനരചനപി ഭാസ്കരന്‍
ഗായകര്‍എ എം രാജ ,ബി വസന്ത
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:37:46.

 കടം കഥ പറയുന്ന കടമിഴികൾ നിന്റെ
കവിതകൾ ചൊരിയുന്ന മധുമിഴികൾ
അനുരാഗ ചതുരംഗകേളിയിൽ നിൻ മുന്നിൽ
അടിയറവായി പോയെൻ ഹൃദയം (കടം കഥ...)

കള്ളം പറയും നിൻ ചുണ്ടുകളും രാഗ
കല്ലോലമിളകും നിൻ കണ്ണുകളും
അങ്ങോട്ടുമിങ്ങോട്ടുമൂഞ്ഞാലിലാടുന്നെൻ
സങ്കല്പ മലർ വന ദേവത

മന്ത്രവാദിനീ നിൻ നീലനയനം
മയിൽപ്പീലിക്കെട്ടുകൾ വീശുമ്പോൾ
മാമക ജീവനാം പാഴ്മുളം കുഴലൊരു
മാണിക്യമുരളിയായ് മാറിയല്ലോ

പ്രേമഗായകാ നിൻ വന മുരളി തൻ
ഈ മുഗ്ദ്ധ സംഗീത മാധുരിയാൽ
വാടിക്കിടന്നോരെൻ ജീവിതമൊരു നവ
വാസന്ത ശലഭമായ് മാറിയല്ലോ (കടം കഥ..)





malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts