Last Modified: February 29 2012 14:45:41.
 

ആലോലം ഓലോലം മുകിൽ പുഷ്പം ചൂടി
ആഷാഢത്തിലെ പൂക്കളുമാടി
കോച്ചി വിറയ്ക്കുന്ന കാവും കൊതിച്ചു
കോകില കാകളി കേട്ടുറങ്ങീടാൻ
(ആലോലം..)

ശരധാരതൂകിയൊരിന്ദ്ര ധനുസ്സും
മണമുണ്ടു നീർ കുടിച്ച് ഇളകുന്ന കാറ്റും (2)
കാവും രാവും അറിഞ്ഞില്ല നമ്മൾ
കുളിർ കൊണ്ടു നൊന്തകാര്യം ഈ
കുളിർമാല കോർത്ത കാവ്യം
(ആലോലം..)

ഒരു താരം കാർകൊണ്ടൽ കിളിവാതിലിലൂടെ
ഒളി ചിന്നി ശുഭമസ്തു എന്നോതിടുന്നു (2)
ഇലയും പൂവും പുണർന്നാടുന്നു
എൻ ഹർഷസംഗീതം ഇനി
എൻ ശീതളാലിംഗനം
(ആലോലം...)