നിത്യകാമുകീ (സൂസി )
This page was generated on May 19, 2024, 9:28 pm UTC
വിശദവിവരങ്ങള്‍
വര്‍ഷം 1969
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ്
രാഗംശിവരഞ്ജനി
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: June 17 2012 07:03:13.


നിത്യകാമുകീ ഞാന്‍ നിന്മടിയിലെ
ചിത്രവിപഞ്ചികയാകാന്‍ കൊതിച്ചു
ആമൃണാള മൃദുലാംഗുലിയിലെ
പ്രേമപല്ലവിയാകാന്‍ കൊതിച്ചു

ആശകള്‍ സങ്കല്‍പ്പചക്രവാളത്തിലെ
ആലോലവാസന്ത മേഘങ്ങള്‍
അവയുടെ ചിറകിലെ വൈഡൂര്യമുത്തിന്
ഹൃദയമാം പുല്‍ക്കൊടി കൈനീട്ടി
കൈനീട്ടി വെറുതേ കൈനീട്ടി
നിത്യകാമുകീ..........

ആശകള്‍ വാസരസ്വപ്നമാം പൊയ്കയില്‍
ആരോവരയ്ക്കുന്ന ചിത്രങ്ങള്‍
അവയുടെ കയ്യിലെ പാനപാത്രത്തിലെ
അമൃതിനു ദാഹിച്ചു കൈനീട്ടി
കൈനീട്ടി വെറുതേ കൈനീട്ടി
നിത്യകാമുകീ..............




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts