Last Modified: February 05 2018 16:46:24.



ചുമലിൽ സ്വപ്നത്തിൻ ശവമഞ്ചം ചുമക്കുന്ന
ചുമട്ടുകാരീ കൊച്ചു ചുമട്ടുകാരീ
ചുമട്ടുകാരീ കൊച്ചു ചുമട്ടുകാരീ
ചിതയിൽ വയ്ക്കുമ്പോഴും പിടയുന്നൂ നിന്റെ
ചിരകാല സുന്ദര വിഫലസ്വപ്നം
(ചുമലിൽ...)

സ്വന്തം ഹൃദയത്തിൻ ചുടുകാട്ടിൽ ആശാ-
ചന്ദനവിറകിനാൽ ചിതയൊരുക്കി
ഉദകക്രിയയ്ക്കു നീ ഒരുങ്ങിയപ്പോൾ വീണ്ടും
ഉയിർത്തെഴുന്നേൽക്കുന്നു നിന്റെ മോഹം
(ചുമലിൽ...)

മരമല്ലല്ലോ വെറും ശിലയല്ലല്ലോ നെഞ്ചിൽ
മറക്കുവാൻ കഴിയാത്ത മനസ്സല്ലേ
ചുമലിൽ നീതന്നെ വഹിക്കേണം നിന്റെ
ചുമക്കുവാനാകാത്ത കഠിനഭാരം
(ചുമലിൽ...)