മല്ലാക്ഷീമണിമാരില്‍ (കുമാരസംഭവം )
This page was generated on March 29, 2024, 3:42 pm UTC
വിശദവിവരങ്ങള്‍
വര്‍ഷം 1969
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍എം ജി രാധാകൃഷ്ണന്‍ ,ബി വസന്ത
രാഗംബസന്ത്‌ ബഹാര്‍
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:38:06.

മല്ലാക്ഷീമണിമാരില്‍ ഉന്മാദമുണര്‍ത്തുവാന്‍
മല്ലീശരന്റെ വില്ലില്‍ മണികിലുങ്ങി
പുത്തിലഞ്ഞിമരത്തിന്മേല്‍ പുഷ്പിണികള്‍ വള്ളികള്‍
മുത്തണിമുലചേര്‍ത്തു പുണര്‍ന്നുറങ്ങീ. (മല്ലാക്ഷീമണിമാരില്‍)

ഭൂമിയുടെ കൈയിലെ പുഷ്പദലക്കുമ്പിളില്‍
സോമരസം പകരുമീ സുരഭിമാസം
രാജഹംസമിഥുനങ്ങള്‍ നീരാടും ചോലകളില്‍ ‍
രാസകേളികള്‍ക്കിതാ വിളിപ്പൂ നമ്മെ
മന്മഥസദനമിതാ - രതി-
മന്മഥസദനമിതാ. ആ ആ ആ...
(മല്ലാക്ഷീമണിമാരില്‍ )

മാമലകള്‍ മഞ്ഞിന്റെ മൂടുപടമഴിക്കുമ്പോള്‍
മാര്‍നിറയെത്തെളിയുമീ നഖക്ഷതങ്ങള്‍
കണ്ടു കണ്ടു കൊതി പൂണ്ട് സങ്കേതം തേടിവരും
കാമമോഹിതരിതാ വിളിപ്പൂ നമ്മെ
മന്മഥസദനമിതാ - രതി-
മന്മഥസദനമിതാ. ആ ആ ആ...
(മല്ലാക്ഷീമണിമാരില്‍ )




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts