Last Modified: February 29 2012 14:48:24.


രജതനിലാ പൊഴിയുന്നേ ഹൃദയം വരെ നനയുന്നേ
തുഷാരാര്‍ദ്ര മേഘം കിനാക്കാണുമേ
വികാരാര്‍ദ്രയാം വാനമേ (രജതനിലാ)

വരും വഴിയില്‍ പനിമഴയില്‍
അമൃതനിലാവിതള്‍ വിരിയും
മുകിലെടുത്തു മുഖം തുടച്ചു
ഉദയം വരെ നടനമിടും (വരും)
വാനവീഥിയില്‍ മേഘജാലങ്ങള്‍
കാണുമ്പോളിനി ആശകള്‍ വരും
തിരുമകളിന്‍ മിഴികളിലോ കനവു വരും
(രജതനിലാ)

മുകിലിനങ്ങള്‍ അലയുകയായ്
മുകളിലവര്‍ തിരയുകയായ്
വഴിയറിയാതുഴലുകയായ്
കരയുകയോ അതു മഴയോ (മുകില്‍)
നീലവാനിലെ വെള്ളിയോടകള്‍
ഓടിടുന്നതിന്‍ ഇന്ദ്രജാലങ്ങള്‍
വിണ്‍ വയലില്‍ വിതച്ചതാരീ നവമണികള്‍
(രജതനിലാ)