Last Modified: November 29 2019 08:57:08.

തിരയെഴുതും മണ്ണില്‍ ഒരു കാവ്യം
കര പറയും പൊന്നേ ഇതു പ്രേമം
മലര്‍ വിരിഞ്ഞാലും കണ്ണേ
മഴ പൊഴിഞ്ഞാലും
മാറില്‍ നീ ചേര്‍ക്കുമ്പോള്‍
മധുരമീ പ്രേമം
(തിരയെഴുതും മണ്ണില്‍)

നിറപറ കവിയുമൊരഴകേ
ഇതള്‍വിരി എഴുതിയ കുളിരേ
കവിതകള്‍ നിന്നെ തേടി പോരില്ലേ
വിരലുകള്‍ അരുളിയ പുളകം
വെറുമൊരു തളിരിനു സുകൃതം
ഇനിയൊരു ജന്മംകൂടി കാണില്ലേ
മിഴികളിലില്ലയോ പ്രണയസമുദ്രം
അതില്‍ അലിയുന്നുവോ ഹൃദയസുഗന്ധം
അരികിലൊരാകാശ പൂവനമില്ലേ
(തിരയെഴുതും മണ്ണില്‍)

ഉണരുമൊരു ഉയിരിനു മൊഴിയായി
സിരകളില്‍ ഒരു സുഖലയമായി
ഇടവഴിക്കാറ്റായി എന്നും പോരില്ലേ
പകലിനു ചിറകടി തളരും
ഇരവുകള്‍ ഇണകളെ അറിയും
അതുവരെ എന്നും കാത്തുനിൽക്കില്ലേ
പുതുമകളോരോന്നായി നാം അറിയില്ലയോ
പുലരികളോരോന്നും നേരറിയില്ലയോ
അതുവരെ നാമെന്നും കാമുകരല്ലോ
(തിരയെഴുതും മണ്ണില്‍)