Last Modified: February 29 2012 14:49:07.
 താമരയും സൂര്യനും തമ്മിലിന്നും മൗനമോ (2)
എരിയും ചെമ്മിഴിയില്‍ നൊമ്പരമോ വിരഹമോ
വിരിയും കുഞ്ഞിതളില്‍ പൂഞ്ചിരിയോ കോപമോ
താമരയും സൂര്യനും തമ്മിലിന്നും മൗനമോ ഓ

താഴ്വരയില്‍ പുതു മഞ്ഞലിയേ
ദൂരെ നിന്നവളെ കണ്ടുവോ കൊതിയോടെ
(താഴ്വരയില്‍)
പകയുടെ കണ്ണിലെ കനലൊളി മായുമോ
പുതിയൊരു തേന്‍കണം നിവേദ്യമായി മാറുമോ
പകലുരുകിയ വേനലാറുമോ
താമരയും സൂര്യനും തമ്മിലിന്നും മൗനമോ ഓ
(താമരയും സൂര്യനും)

അങ്ങകലെ മുകിലൊന്നണയേ
പൂവേ നിന്മുഖമോ വാടിയോ അറിയാതെ
(അങ്ങകലെ)
പരിഭവ സന്ധ്യകള്‍ പലകുറി വന്നുവോ
ഇരുളല തന്നിലായി ഇളം മനം നൊന്തുവോ
പുതുപുലരിയെ നോക്കി നിന്നുവോ
താമരയും സൂര്യനും തമ്മിലിന്നും മൗനമോ ഓ
(താമരയും സൂര്യനും)