Last Modified: February 29 2012 14:38:16.

മേലേ നന്ദനം പൂത്തേ
താഴ്വരക്കാവിൽ വരിവണ്ടുകളാർത്തേ
കാറ്റത്തൊരു കല്യാണസൗഗന്ധികമുണരും
കേൾക്കാത്തൊരു ഗന്ധർവ സംഗീതിക പകരും
മഴവില്ലുകളഴിയും നിറ ലയഭംഗികളൊഴുകും
(മേലേ നന്ദനം..)

കണ്മായം കാട്ടും കാനനക്കണിയായ്
ഉന്മാദമുണരും വനമിളകുമ്പോൾ
ആ ..രിഗ ധപരീ രിഗപധരീ
ഗരി ഗരി സാഗരിസാസ സാ
കണ്മായം കാട്ടും കാനനക്കണിയായ്
ഉന്മാദമുണരും വനമിളകുമ്പോൾ
തെന്നലിൻ കൈയ്യിലെ തേൻ‌കുടം തൂകിയ
മാധുരിയിൽ മാഴ്കിയ മനമോ
മാധുരിയിൽ മാഴ്കിയ മനമിടറി നുരകൾ പതകൾ ചിതറി
(മേലേ നന്ദനം..)

ഓരങ്ങളെവിടെ ഓളങ്ങൾ പെരുകാൻ
പൂഞ്ചോലക്കിനിയും വഴിയറിയില്ലേ
ധാ ..രിഗ ധപരീ രിഗപധരീ
ഗരി ഗരി സാഗരിസാസ സാ
ഓരങ്ങളെവിടെ ഓളങ്ങൾ പെരുകാൻ
പൂഞ്ചോലക്കിനിയും വഴിയറിയില്ലേ
വീണു തകർന്നല്ലോ വീണ്ടുമുണർന്നല്ലോ
ജീവിതമാം മായികഗതിയോ
ജീവിതമാം മായികഗതി തിരയിലുയരും തകരും തുടരെ
(മേലേ നന്ദനം..)