Last Modified: February 29 2012 14:49:20.




തേനുള്ള പൂവിന്റെ നെഞ്ചം
തേടുന്ന വണ്ടിനു മഞ്ചം
കുളിരേന്തി നിൽക്കുന്ന രാവും
കുടമുല്ലപ്പൂ‍വും നിലാവും
വീരന്നു നേദിച്ചു ഞാനെൻ
വിടരുന്ന വർണ്ണക്കിനാക്കൾ
(തേനുള്ള...)

കടമിഴിയിൽ കവിതയുമായ് ഞാനും
ഒളിയുണരും ചൊടികളുമായ് നീയും
തരിവളകൾ കിളീമൊഴിയിൽ പാടി
കവിളിണയിൽ കളഭ കണം ചൂടി
കളയരുതിനി സമയം തിരുമധുരം നുകരും
മതി വരെ നിൻ പ്രണയം മനമലരിൽ പകരും
(തേനുള്ള...)

കനവുണരും നിമിഷമിതാ വന്നു
കരളിതളിൽ രതിമധുരം തന്നു
വിരിമാറിൽ വീണലിയാൻ ദാഹം
തിര കരയിൽ പൂണലിയാൻ മോഹം
കഥ പറയും മിഴിയും അഴലകലും മൊഴിയും
ചൊടിമലരിൽ വിരിയും ലഹരിയിൽ നീ അലിയൂ
(തേനുള്ള...)