കണ്ണില്ലാത്തതു ഭാഗ്യമായി (രജനി )
This page was generated on April 25, 2024, 8:04 pm UTC
വിശദവിവരങ്ങള്‍
വര്‍ഷം 1981
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍പി മാധുരി
രാഗംകര്‍ണരഞ്ജിനി
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:49:31.

കണ്ണില്ലാത്തത് ഭാഗ്യമായി
കാഴ്‌ചപോയത് ഭാഗ്യമായി
കപടമുഖങ്ങളും മൂകദുഃഖങ്ങളും
കാണേണ്ടല്ലോ ഭൂമിയില്‍
(കണ്ണില്ലാത്തത്)

സൂര്യനുദിക്കുമ്പോള്‍ വെയില്‍‌ച്ചൂട്
ചന്ദ്രനുദിക്കുമ്പോള്‍ നിലാക്കുളിര്
കുളിരും വെയിലും തിരിച്ചറിയാന്‍
കണ്ണുകളെന്തിന് കണ്ണുകള്‍?
എന്തിന് കണ്ണുകള്‍?
(കണ്ണില്ലാത്തത്‌)

മോഹം മുളയ്ക്കുമ്പോള്‍ രോമാഞ്ചം
സ്നേഹം തലോടുമ്പോള്‍ പൂമഞ്ചം
രണ്ടു സുഖങ്ങളും തിരിച്ചറിയാന്‍
കണ്ണുകളെന്തിന് കണ്ണുകള്‍?
എന്തിന് കണ്ണുകള്‍?
(കണ്ണില്ലാത്തത്‌)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts