ഗോമേദക മണി (പഞ്ചപാണ്ഡവര്‍)
This page was generated on March 28, 2024, 9:14 am UTC
വിശദവിവരങ്ങള്‍
വര്‍ഷം 1981
സംഗീതംഎം എസ്‌ വിശ്വനാഥന്‍
ഗാനരചനശ്രീകുമാരൻ തമ്പി
ഗായകര്‍കെ ജെ യേശുദാസ്
രാഗംശ്രീരാഗം
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: February 29 2012 14:49:31.
ഗോമേദകമണി മോതിരത്തില്‍
നിന്‍ പ്രേമസങ്കല്‌പമാവാഹിക്കും
പൂപ്പാലികയിലെ പൊന്നിഴ നേര്യതും
പൂമിഴി നിന്‍ മനസ്സും കസവണിയും

(ഗോമേദകമണി‌)

ജന്മാന്തരങ്ങളെ പുല്‍കിയ വാഗ്‌ദാനം
പൊന്‍‌നിലവിളക്കില്‍ വിടരും, നിറപറ
ഉണരുന്ന പൂക്കുലയില്‍ തുടിയ്‌ക്കും
ബന്ധനത്തിന്‍ സുഖം സ്വര്‍ഗ്ഗീയമെന്നോതും
പൂമാലകള്‍ നമ്മള്‍ കൈമാറും....

(ഗോമേദകമണി)

എന്‍ മണിയറയിലെ കേളീശയനത്തില്‍
നിന്‍ മദതരംഗിണിയിളകും, അതിലൊരു
മധുരോന്മാദമായ് ഞാനൊഴുകും...
കൗമാരംതൊട്ടു നീ കോര്‍ത്ത കിനാവുകള്‍
പൂമുത്തമായ് ചുണ്ടില്‍ പുഷ്‌പിക്കും...

(ഗോമേദകമണി)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts