Last Modified: February 29 2012 14:50:00.

 
(സ്ത്രീ) കണികണ്ടുവോ വസന്തം ഇണയാകുമോ സുഗന്ധം (2)
മെല്ലെ മെല്ലെയിളം മെയ്യില്‍ തുളുമ്പിയെന്‍ നാണം
പട്ടുനൂല്‍ മെത്തമേല്‍ എത്തി പുതയ്ക്കുമൊരീണം
മോഹനം ആലിംഗനം
മാറോടു ചേരുന്നോരലസമധുരമധുവിധുമയ ലാളനം

(പു) ഊഉഉം... ഉഉം ഊഉഉം..

(സ്ത്രീ) വെണ്‍തിങ്കളോ തൂവെണ്ണയായി പെയ്യുന്ന വൃന്ദാവനം
ആലിലക്കൈകളോ വെഞ്ചാമരങ്ങളായി നീ
രാഗേന്ദുവിന്‍ പാലാഴിയായി ഈ നല്ല രാജാങ്കണം
സിന്ദൂരവും ശൃംഗാരവും
ഒന്നായി മാറുന്ന പുതിയ പുതിയ തളിരിലയിലെ നേദ്യമായി

(പു) ഉഊഉ ഊഊഉ ഉഊ...

(സ്ത്രീ) പുന്നാരവും കിന്നാരവും കൈമാറുമീ നാളിലായി
ഇക്കിളിപായമേല്‍ ഒട്ടിക്കിടന്നുവോ മോഹം
മൗനങ്ങളില്‍ ദാഹങ്ങളോ പൂ ചൂടുമീ വേളയില്‍
മൂളുന്നുവോ കാതോരമായി
ആറാടിയോടുന്ന യമുനഞൊറിയുമലയുടെ മണിനാദമായി

((സ്ത്രീ) കണികണ്ടുവോ വസന്തം)