Last Modified: February 29 2012 14:50:27.

അയ്യപ്പാ ശരണം ശരണമെന്റയ്യപ്പാ
ഹരിഹരസുതനേ ശരണം‌ പൊന്നയ്യപ്പാ
ആയിരമായിരം നിന്‍ തിരുനാമങ്ങള്‍
ധ്യാനം ചെയ്യുവാനയ്യപ്പാ
ആഗുണമാനസപൂജിതകൃത്യം
നീയരുള്‍ തൂകണേ അയ്യപ്പാ
(അയ്യപ്പാ)

ആധിയും വ്യാധിയും പൂര്‍വ്വീകകര്‍മ്മണ-
ദോഷങ്ങള്‍ തീര്‍ത്തരുളയ്യപ്പാ
ആദരവായിനി ഭൂതലം തന്നില്‍
നീ തന്നെ ശാശ്വതമയ്യപ്പാ
(അയ്യപ്പാ)

മാമണികണ്ഠാ ശരണമയ്യപ്പാ
മാമണികണ്ഠാ പമ്പയിലോമന-
പ്പൈതലായ് മിന്നിയ അയ്യപ്പാ
മന്നവന്‍ പന്തളരാജശേഖരന്‍-
കണ്ണായ് വളര്‍ന്ന അയ്യപ്പാ
(അയ്യപ്പാ)

ശബരിഗിരീശാ ജ്ഞാനോപദേശാ
ചൈതന്യരൂപാ നമോനമഃ
സമസ്താപരാധം ക്ഷമിച്ചരുളേണം
ശാസ്താവേ ശരണം അയ്യപ്പാ
(അയ്യപ്പാ)