Last Modified: February 29 2012 14:38:28.



 സഹജരേ സഹജരേ സഹജരേ

ആര്‍ത്തലച്ചു കരയുക ഒത്തുനാം കുതിക്കുക
ചങ്ങലതകര്‍ത്തിടും തരംഗമാലപോലവേ
വീര്യമൊത്തു ശൌര്യമൊത്തു വീറൊടൊത്തു കയറുക

പാരിനാകെ പ്രാണവായു വീശിടുന്ന കര്‍ഷകാ
പച്ചവയലിലുച്ചവെയിലിലുരുകിടുന്ന കര്‍ഷകാ
വരിക ധീരസോദരാ

അവമതികള്‍ നാം അനുവദിക്കയോ
അക്രമങ്ങളേ നാം സഹിക്കയോ
കുതറി ആര്‍ത്തു മുന്നിലേറുക
രക്തമൊന്നു ശക്തിയൊന്നു ചിത്തമൊന്നു നമ്മളില്‍
ദുഷ്ടനാമധര്‍മ്മമിന്നു ഞെട്ടിടട്ടെ ഭൂമിയില്‍(2)
വരിക ധീരസോദരാ വരിക ധീരസോദരാ