Last Modified: February 16 2023 02:01:21.
നാമിരുവരും നാളിതുവരെ
തേടി വന്നൊരു പുലരികൾ
പുതുമയെഴുതിയ കനവുകൾ
വെയിലു തൊട്ടൊരു മഴ കനിഞ്ഞൊരു
കുളിരിലാകെ നനഞ്ഞു പോയ്

ഒരുവഴിയിതു വഴി മറുവഴിയതുവഴി
ഒരുമിച്ചു ചേർന്നൊരീ വഴിയിൽ
ഒരുവഴിയിതു വഴി മറുവഴിയതുവഴി
ഒരുമിച്ചു ചേർന്നൊരീ വഴിയിൽ

വേനലുഴുതൊരു പാതയിൽ വിരൽ
കൊരുത്തു നാം നീങ്ങവെ
കല്ലുകൾ കണ്ടറിയാൻ
മുള്ളുകൾ കൊണ്ടറിയാൻ
കൂടൊരുക്കും മോഹവും
കൂട്ടിരിക്കും കാലവും .....

നാമിരുവരും നാളിതുവരെ
തേടി വന്നൊരു പുലരികൾ
പുതുമയെഴുതിയ കനവുകൾ

വഴിമരമിഴയിടും തണലിനുമൊരു കുളിർ
ചിരിയുടെ യരുവികൾ ഒഴുകി വരും
വഴിമരമിഴയിടും തണലിനുമൊരു കുളിർ
ചിരിയുടെ യരുവികൾ ഒഴുകി വരും


ഉള്ളിലൊരു മലർ പൂക്കവേ സ്വയം മറന്നു നാം പാടവേ
വിത്തുകൾ ഈരിലയായ്
വാക്കുകൾ പൂവിതളായ്
പൂവിരിക്കും മോഹവും
കൂട്ടിരിക്കും കാലവും

നാമിരുവരും നാളിതുവരെ
തേടി വന്നൊരു പുലരികൾ
പുതുമയെഴുതിയ കനവുകൾ
വെയിലു തൊട്ടൊരു മഴ കനിഞ്ഞൊരു
കുളിരിലാകെ നനഞ്ഞു പോയ്